Район башлыгы Фәрит Хөснуллинның Яшьләр көне белән котлавы
Кадерле дуслар! Егетләр һәм кызлар!
Сезне Яшьләр көне - Сарман районы һәм туган республикабызның иртәгәсе көненә бәйле кешеләр бәйрәме белән котлыйм.
Безнең район яшьләре-белемле, талантлы, максатчан, ярдәмчел һәм җаваплы, теләсә кайсы ситуациядә ярдәмгә килергә сәләтле.
Безнең яшьләр авыл хуҗалыгында, медицина, мәгариф, спорт, мәдәният өлкәләрендә уңышлы эшли. Шунысы куанычлы, үз бизнесын үстерүчеләр дә аз түгел. Шул ук вакытта районның иҗтимагый тормышында да актив катнаша.
Бүген пандемия шартларында яшь буынның иң актив вәкилләре коронавирус инфекциясенә каршы көрәштә барыбыз өчен дә үз өлешләрен кертәләр. Сарман районының күп кенә яшь кешеләре волонтерлар булды. Өлкән яшьтәге гражданнарга, аз тәэмин ителгән, күп балалы гаиләләргә, инвалидларга ярдәм итәләр. Аларга азык-төлек, беренче чиратта кирәк-яраклар, медикаментлар китерелә. Сарман районында яшәүчеләр исеменнән һәм шәхсән үз исемемнән катлаулы пандемия шартларында түләүсез ярдәм күрсәткәннәре өчен зур рәхмәтемне белдерәм.
Без укуына, иҗатына, спортта зур өметләр баглаган район яшьләренең күп кенә вәкилләре белән хаклы рәвештә горурланабыз. Тормыштагы уңышка юлда сезгә өлкән буын үрнәге, аның тәҗрибәсе һәм зирәклеге ярдәм итсен.
Кадерле дуслар, Сезгә нык сәламәтлек һәм уңышлар телим. Үз алдыгызга зур максатлар куйудан курыкмагыз, бер-берегезгә ярдәм итегез, алга барыгыз һәм үз хыялларыгызны тормышка ашырыгыз.
Сарман районы башлыгы Фәрит Хөснуллин