14нче һәм 15нче гыйнварда Сарманда "Ел укытучысы - 2021" конкурсының муниципаль этабы узды . Җәлил гимназиясеннән физкультура укытучысы Рәхимов Ринат Фәдит улы катнашты. Конкурсның беренче көнендә ул дәрес фрагментын күрсәтте. Финалда катнашучылар «Мастер – класс» конкурсында үзләренең педагогик осталыкларын күрсәттеләр. Бәйрәм чарасының иң матур тәмамлануы-конкурста катнашучыларны бүләкләү булды. Киеренке көрәш нәтиҗәсендә Ринат Фәдит улы конкурсның «Ел укытучысы» номинациясендә җиңүче булды. Хезмәттәшебезне чын күңелдән конкурста җиңүе белән котлыйбыз!