Татарстан Республикасы Сарман муниципаль районының Юл хәрәкәте иминлеген тәэмин итү комиссиясе утырышы
Бүген Сарман муниципаль район Советының утырышлар залында район башлыгы Фәрит Хөснуллин катнашында юл хәрәкәте иминлеген тәэмин итү комиссиясе утырышы булды. Утырышны комиссия рәисе, Сарман муниципаль районы Башкарма комитеты җитәкчесе Фәндәс Вәлиев алып барды.
Утырышның көн тәртибенә 3 мәсьәлә кертелгән иде. Сарман районы территориясендә исерек хәлдәге юл-транспорт һәлакәтләре һәм 2021 елның 8 аенда юл хәрәкәте иминлеген тәэмин итү буенча чаралар күрү турында Россия Федерациясе Эчке эшләр министрлыгының Сарман муниципаль районы буенча ЮХИДИ бүлеге начальнигы Айдар Хаҗиев сөйләде.
«Татавтодор» АҖ Чаллы филиалы һәм «Татнефтедор» ҖЧҖ Азнакай УАД идарәсенең Сарман участогы начальнигы урынбасары Лениз Әхмәтшин һәм «Татнефтедор» ҖЧҖ Азнакай өязенең Җәлил участогы начальнигы Илшат Галиәхмәтов 2021-2022 елларда юлларны кышкы карап тотуга әзерлек һәм Сарман муниципаль районының автомобиль юлларын тиешле дәрәҗәдә эксплуатацияләүгә кертү буенча планлаштырылган чаралар турындагы актуаль мәсьәләләр белән таныштырдылар.
Мәктәп автобусларының яңа уку елында балаларны йөртүгә әзерлеге турында мәгариф бүлеге начальнигы урынбасары Газинур Габидуллин һәм «хуҗалык белән тәэмин итү»МУП директоры Рамил Ризатдинов сөйләделәр.