Сарман районы Бөтендөнья СПИДтан үлгәннәрне искә алу көненә кушылды
Сарман районы Бөтендөнья СПИДтан үлгәннәрне искә алу көненә кушылды. 2022 елның 15 мае - Бөтендөнья СПИДтан үлгәннәрне искә алу көне.
Ел саен, 1983 елдан башлап, бөтен дөньяда майның өченче якшәмбесендә Бөтендөнья СПИДтан үлгәннәрне искә алу көне үткәрелә.
Дөньяда ВИЧ белән яшәүче 40 миллионнан артык кеше исәпләнә, эпидемиянең бөтен чорында ВИЧ/СПИД белән бәйле авырулардан 36 миллионнан артык кеше үлгән. ВИЧ-инфекция таралу проблемасы дөнья җәмәгатьчелеге өчен бик актуаль булып кала бирә. Ел саен дөньяда ВИЧ-инфекциянең 2 миллионга якын яңа очрагы ачыклана.
Хәтер көне-проблеманың чын якынлыгын күрсәтү һәм ВИЧ-инфекциядән саклану өчен куркынычсызлык кагыйдәләрен үтәргә һәм ВИЧка вакытында тикшерергә кирәклеген искәртү мөмкинлеге ул.
Әлеге датага багышланган чараларның берсе-кеше иммунодефициты вирусы белән зарарланган кешеләргә карата дискриминация булдырмый торган социаль мохит формалаштыру.
ВИЧ-инфекциянең таралуын кисәтүнең өстенлекле юнәлеше булып гражданнарга ВИЧ-йогышын тапшыру куркынычлары турында мәгълүмат бирү һәм ВИЧка ирекле тикшерүләргә мотивацияләү тора.
ВИЧка тест үткәрү ВИЧ белән яшәүче кешеләргә вируска каршы терапияне вакытында ачыклау һәм билгеләү өчен мөһим, бу аларның тормыш сыйфатын яхшыртырга һәм СПИД үсешен булдырмый калырга мөмкинлек бирә.
2012 елның 18 маенда СПИД үзәгенең Әлмәт филиалы һәм «Сарман РҮХ» ДАССО белгечләре тарафыннан мәгълүмати материаллар кулланып һәм әлеге датага багышланган видеороликларны трансляцияләү белән Сарман муниципаль районының хезмәт коллективлары арасында профилактик чаралар үткәрелде.
Шулай ук барлык теләүчеләр ВИЧ - инфекциясенә түләүсез экспресс-тест үтә алдылар. Барлыгы 50 кеше сыналды.