11 сыйныф укучыларына аттестатлар тапшыру.

2022 елның 27 июне, дүшәмбе

 24 июнь көнне Зиннәт Хәсәнов исемендәге Иске Кәшер урта мәктәбендә 11 нче сыйныф укучыларына урта гомуми белем турында аттестатлар тапшырылды. Чыгарылыш сыйныф укучылары мәктәпнең иҗтимагый, мәдәни-массакүләм һәм спорт тормышында актив катнашканнары өчен грамоталар алдылар. Әти-әниләргә рәхмәт хатлары тапшырылды. Миннегулов Данил һәм Хәбибуллина Адилә алтын медальгә лаек булдылар.

Мәктәп директоры Римма Григорьевна Әхмәтбаева, сыйныф җитәкчеләре, ата-аналар һәм укытучылар чыгарылыш сыйныф укучыларын котладылар һәм аларга иң изге теләкләрен җиткерделәр. Мәктәптә унбер ел уку артта калды. Алда - яңа мөмкинлекләр, яңа проблемалар һәм яңа, инде олы тормыш. Уңышлар сезгә, 2022 елгы чыгарылыш сыйныф укучылары!