КУЭ корпорациясе һәм ТР Икътисад министрлыгы Татарстан Республикасы эшмәкәрләр бергәлеге белән ачык диалог уздырачак
2022 елның 31 августында Казанда КУЭ корпорациясе Татарстан Республикасы Хөкүмәте белән берлектә төбәк эшмәкәрләре белән агымдагы шартларда бизнес очраша торган актуаль мәсьәләләр буенча фикер алышу өчен ачык диалог уздырачак. Чара МСП Корпорациясе Генераль директоры урынбасары - статс-секретарь Наталья Коротченкова һәм Татарстан Республикасы Премьер-министры урынбасары - ТР икътисад министры Мидхәт Шаһиәхмәтов катнашында узачак. Түгәрәк өстәл төрле тармаклардагы бизнес торышы, эшкуарлыкка ярдәм итү инструментлары, фаразлар һәм перспективалар турында фикер алышу мәйданчыгы булачак. Статс-секретарь - МСП Корпорациясе генераль директоры урынбасары Наталья Коротченкова эшмәкәрләргә бизнеска ярдәм чаралары, шул исәптән сервислар һәм дәүләт платформалары, финанс продуктлары, аерым алганда, кече һәм урта бизнеска ташламалы кредитлауның кризиска каршы программасы, поручительлекләрнең зонтик механизмы һәм башка финанс мөмкинлекләре турында сөйләячәк.