Күчмә семинар-киңәшмә
2022 елның 18 октябрендә Сарман муниципаль районының Азалак авыл китапханәсендә китапханәчеләрнең "Китапханәдә укуны алга җибәрүнең инновацион формалары" исемендә күчмә семинар-киңәшмәсе булды. Семинар эшендә МБУ «Үзәкләштерелгән китапханә» директоры, әйдәп баручы библиографы, методик бүлек мөдире, комплектлау бүлегенең әйдәп баручы китапханәчесе һәм 9 авыл китапханәчесе катнашты.
Чара башланыр алдыннан семинарда катнашучылар өчен китапханә буенча экскурсия үткәрелде, аның барышында Илмира Габдулла кызы кунакларга китапханәнең тарихын һәм конкурста катнашу аркасында авыл китапханәсенең ничек үзгәрүе турында сөйләде. Конкурс мәдәният учреждениеләрен заманча стандартларга китерергә ярдәм итте-бинаның эчке интерьеры тулысынча яңартылды, уңайлы эшләве өчен якты киңлек булдырылды, заманча җиһазлар сатып алынды. Илмира Габдулла кызы сүзләренчә, мондый нәтиҗәгә ирешелгәннәрдә тукталып булмый: һөнәри компетенцияләрне арттыру буенча эш даими булырга тиеш. Ул ассызыклаганча, китап фондын яңарту гына түгел, килүчеләр белән эшләүнең яңа инновацион формаларын һәм алымнарын кертү зарурлыгы да мөһим.
Әйдәп баручы библиограф Мадьярова Г. Н.билгеләп үткәнчә, мәгълүмати-библиографик эш теләсә кайсы китапханә эшчәнлегенең нигезе булып тора, яңа компьютер технологияләре белән эшләүгә, шулай ук алынган мәгълүматны анализлау һәм синтезлау күнекмәләрен үзләштерүгә зур игътибар бирергә кирәк, китапханәләрдә эшне дөрес оештыруга игътибар итте.
Киңәшмә-семинарның эш өлешен методик бүлек мөдире Гататуллина Г.Р. дәвам итте. Ул түбәндәге сорауларга кагылды: китапханәләрнең 2022 елгы эшчәнлегенә йомгаклар, контроль күрсәткечләр үтәү, «Пушкин картасы» федераль проекты, шул исәптән башка китапханә конкурсларында, акцияләрдә, проектларда, онлайн форматта эшләү, «PRO.Культура. РФ» китапханә эшчәнлегенә кагылышлы башка мәсьәләләр.
Семинар-киңәшмә ахырында МБУ «Үзәкләштерелгән китапханә» директоры Афзалетдинова Л.Г. коллегаларына массакүләм чаралар үткәргәндә террорчылык характерындагы янаулардан һәм куркынычсызлык чараларыннан саклануны көчәйтүгә юнәлдерелгән профилактик чараларны үтәү турында искә төшерде һәм күчмә семинар-киңәшмәгә йомгак ясады, очрашу барышында кузгатылган сорауларның мөһимлеген билгеләп үтте, куелган максатларга ирешүдә уңышлар теләде.