Хөрмәтле салым түләүчеләр!
2022 елның 1 ноябрендә Татарстан Республикасы Министрлар Кабинетында Федераль салым хезмәтенең Татарстан Республикасы буенча идарәсе җитәкчесе М.А. Сафиуллин катнашында брифинг узды.
М.А. Сафиуллин үз чыгышында билгеләп үткәнчә, 2022 елның 20 октябрендә Россия Хөкүмәте тарафыннан кабул ителгән «Мобилизацияләнгән затларга ярдәм итү чаралары турында» гы 1874 номерлы карар мобилизацияләнгән гражданнар, шул исәптән эшмәкәрләр, шулай ук мобилизацияләнгән зат бердәнбер гамәлгә куючы һәм бер үк вакытта җитәкче булган оешмалар тарафыннан хисап бирү һәм салым түләү мәсьәләләрен җайга сала. «Салым түләүчеләрнең әлеге категориясе өчен хәрби хезмәт үтү чорына һәм хәрби хезмәттән азат ителгәннән соң өстәмә рәвештә өч айга салым һәм җыемнар түләү срокларын күчерү, аларны түләү буенча кичектерү, шулай ук хисап бирү срокларын күчерү каралган.Шулай итеп, эшмәкәрләрнең элеккеге эшлекле активлыкларын торгызу өчен вакытлары булачак», - дип билгеләп үтте үз чыгышында идарә җитәкчесе М.А. Сафиуллин.