"Беренчеләрнең хәрәкәте" проектын тәкъдим итү
Бүген Сарман районында ТР Рәисенең ярдәмчесе, Россия балалар һәм яшьләр хәрәкәтенең «Беренчеләр хәрәкәт» төбәк бүлеге җитәкчесе Тимур Сөләйманов булды. Очрашуга укучылар арасыннан 50дән артык активист килде.
Нәрсә соң ул "Беренчеләр хәрәкәте ? Россия балалар һәм яшьләр хәрәкәтен булдыру инициативалары белән пионер хәрәкәте таркалганнан соң мөрәҗәгать итәләр. 2022 елның 20 апрелендә Севастополь укучысы Диана Красовская «Россия – мөмкинлекләр иле» АНО Күзәтү советы утырышында бөтен Россиядән балаларны берләштерә торган хәрәкәт булдырырга тәкъдим итә. Дәүләт башлыгы инициативаны хуплады. Нәкъ менә шушы миссия белән безнең районга Тимур Сөләйманов килде - балаларны мәгариф, мәдәният һәм сәнгать, спорт, дипломатия, фән һәм технология, волонтерлык һәм башка юнәлешләр буенча бер хәрәкәткә берләштерер өчен.
Шулай ук бүген аның белән районның 20 гомуми белем бирү учреждениесе директорлары, тәрбия эшләре буенча урынбасарлары, педагог-оештыручылары очрашты. Алар педагоглар буларак балалар һәм яшүсмерләр өчен бердәм тәрбия һәм үсеш мохитен формалаштыру хәрәкәте белән берлектә фикер алыштылар, шулай ук әлеге хәрәкәтнең кыйммәтен билгеләделәр.
Очрашудан соң Тимур Җәүдәт улы Җәлил поселогындагы бинада булды, анда "Микс"яшьләр клубын ачуы планлаштырыла. Тиздән "Микс" ишекләре яшь армиячеләр, волонтерлар, деTVора өчен генә түгел, ә районның барлык яшьләре өчен дә ачылыр дип өметләнәбез.