Ләке авыл җирлеге Башкарма комитеты «Татарстан Республикасы оешмасының иң яхшы архивы» конкурсында грант отты
2023 елның мартында Татарстан Республикасы Архив эше буенча Дәүләт комитеты «Коммерцияле булмаган оешманың һәм гавами хакимият органының иң яхшы архивы – Татарстан Республикасы дәүләт (муниципаль) архивын комплектлау чыганагы» конкурсын игълан итте. Бу конкурста республиканың 41 авыл жирлеге катнашты. «Керәшенем - күңел бизәгем. - Кряшены - свет души моей!» проекты белән Сарман муниципаль районының Ләке авыл җирлеге Башкарма комитеты катнашып, 375000 сумлык грантка ия булды.
Акча архив документларын саклауның норматив шартларын тәэмин итүгә, матди-техник базаны ныгытуга, авыл җирлеге архив документларын популярлаштыруга юнәлдереләчәк.
Бүген Татарстан Республикасы Архив эше буенча Дәүләт комитеты һәм республика конкурсларында җиңүче оешмалар арасында килешүләр имзаланды.