Фәтхетдинов Илсур Инсаф улы белән хушлашу панихидасы

Бүген 5 октябрьдә Җәлил шәһәр тибындагы поселогында традицион көзге авыл хуҗалыгы ярминкәсе узды. Авыл хуҗалыгы предприятиеләре, шәхси эшмәкәрләр, шәхси ярдәмче хуҗалыклар, шулай ук мәктәп һәм балалар бакчалары коллективлары бистә кешеләре өчен продукциянең киң ассортиментын тәкъдим иттеләр. Ярминкәдә килүчеләр арзанлы бәядән һәм арадашчылардан башка да фермерлык продуктлары сатып алганнар. Ярминкәдә Сарман муниципаль районы башлыгы Ф.М. Хөснуллин, Сарман муниципаль районы башлыгы урынбасары Г.Р. Гәрәева, Сарман муниципаль районы Башкарма комитеты җитәкчесенең беренче урынбасары Р.Р. Хөнимарданова, «Җәлил ш.т.п» муниципаль берәмлеге башлыгы Р.А. Кәримов, совет аппараты җитәкчесе Ю.Р. Исмәгыйлева булдылар. Ярминкә эше вакытында Җәлил Мәдәният сарае иҗат коллективы катнашында концерт программасы оештырылды, ул бу көз көнне бистә кунакларына һәм халкына күтәренке кәеф тудырды.

Хөрмәтле педагоглар, мәгариф ветераннары! Сезне Халыкара укытучылар көне белән чын күңелдән тәбрик итәм һәм һөнәри бәйрәмегез уңаеннан иң изге теләкләремне юллыйм. Укытучы – иң авыр, иң җаваплы, иң кирәкле, шул ук вакытта иң гүзәл һөнәрләрнең берсе. Укытучы һөнәрен сайлау - тынгысызлык, үз-үзенә һәм башкаларга таләпчән булу, көндәлек тырыш, эзлекле хезмәт юлыннан бару дигән сүз ул. Хөрмәтле укытучылар! Сез илебезнең булачак гражданнарына белем бирәсез, намус, мәрхәмәтлелек хисләре тәрбиялисез, туган якның патриотлары булырга өйрәтәсез. Сезнең намуслы тырыш хезмәтегез нәтиҗәсендә актив, иҗади, төрле яклап талантлы булган яшь буын үсә. Аларның уңышлары – сезнең тынгысыз хезмәтегез дә, шул ук вакытта районыбыз, республикабыз киләчәгенә керткән өлешегез дә. Һөнәрегезгә тугры булып, тырыш хезмәт куйганыгыз өчен рәхмәт сезгә. Сарман районының мәгариф үсешенә һәм яшь буынны тәрбияләүгә зур өлеш керткән ветеран укытучыларыбызга аерым рәхмәтемне белдерәм. Мөхтәрәм остазларыбызны без гомер буе олы хөрмәт хисләре белән искә алабыз. Рәисебез Рөстәм Нургали улы Миңнеханов, республика хөкүмәте ярдәме белән районда сыйфатлы белем һәм тәрбия бирү өчен уңайлы шартлар тудыруда күләмле эшләр башкарыла: мәгариф учреждениеләре капиталь төзекләндерелә, аларда тиешле инфраструктура булдырыла, матди-техник базалары ныгытыла. Без дә үз чиратыбызда укытучыларыбызның хезмәте, укучыларның тырышып укуы өчен тиешле чараларны булдырырга тырышабыз. Кадерле укытучылар! Һөнәри бәйрәмегез белән котлап сезгә ныклы сәламәтлек, иминлек, бәхет, киләсе көнгә ышаныч, эшегездә уңышлар телим.

Ел саен октябрь аенда илебез искиткеч бәйрәм - Укытучылар көнен билгеләп үтә. Нәкъ менә шушы көнне кадерле педагогларыбызга рәхмәт сүзләре әйтәләр, чәчәкләр бирәләр. Бу дата уңаеннан гимназиянең актлар залында Укытучылар көненә һәм Өлкәннәр көненә багышланган бәйрәм концерты узды. Концертка лаеклы ялда булган укытучылар чакырылган иде. Концерттан соң барлык педагоглар һәм кунаклар чәй эчәргә чакырылды. Кадерле коллегаларыбыз,сезгә бәхет, нык сәламәтлек һәм рәхмәтле укучылар телибез! Бәйрәм белән!

"Бир тәпиеңне, дустым" хәйрия акциясе 4 октябрьдә Бөтендөнья хайваннарны яклау көне билгеләп үтелә. Бу бәйрәмнең максаты - укучыларның игътибарын йортсыз хайваннар проблемаларына һәм аларны яклауга җәлеп итү. "Бир тәпиеңне, дустым" акциясе приютлардан хайваннар өчен кирәкле әйберләрне җыюга юнәлдерелгән. Хәйрия акциясе нәтиҗәләре буенча барлык җыелган әйберләр "Лапки-царапки" волонтерларына тапшырылачак