Янурыс авыл җирлегендә язгы ташкынга әзерлек

Санитар-экологик икеайлык кысаларында Азалак авыл җирлегендә өмәләр дәвам итә

30 апрель көнне Иляксаз авыл җирлегендә өмә үтте. Аның максаты - территорияне табигый һәм көнкүреш чүп-чардан чистарту.Капчыкларга тутырылган чуплэрне билгеле урынга урнаштыру.

Җәлил бистәсенең 6 нчы санлы "Теремкәй" балалар бакчасында мәктәпкәчә яшьтәге балалар эколяталар көнен билгеләп үттеләр! 25 апрель-Бөтенроссия Эколяталар көне, шушы мөһим көн кысаларында, балалар бакчасында табигатьне саклаучы балалар - мәктәпкәчә яшьтәге Эколяталар катнашында күңел ачу чарасы булды. Чараның максаты-экологик культура, табигать ресурсларына сакчыл мөнәсәбәт һәм әйләнә-тирә мохиттә үз-үзеңне җаваплы тоту булдыру. Тәрбиячеләр белән берлектә тәрбияләнүчеләр җирнең ни өчен моңсу һәм шатлануын белделәр, чүп-чарны дөрес сортларга аерырга өйрәнделәр, суны, яктылыкны һәм табигатьне сакларга вәгъдә иттеләр.

Татарстанның Сарман районында Җәлил бистәсендәге «Җәлилнефть» нефть-газ табу идарәсенең 50 еллыгы исемендәге паркны этаплап төзекләндерү планлаштырыла. Бүлеп бирелгән финанслау кысаларында «Тормыш өчен Инфраструктура» милли проекты буенча гамәлгә ашырылачак эшләрнең беренче этабы төп аллеяны яңартуны, өслекне һәм яктырту системасын алыштыруны үз эченә ала. Шулай ук эскәмияләр, чүп савытлары һәм таган урнаштыру, лапасны төзекләндерү, керү аркасын монтажлау һәм ял итү зоналары белән хуш исле аромасад булдыру каралган. Парк территориясен алга таба үстерү акрынлап, эшләнгән концепция нигезендә һәм алдагы этапларга финанслау бүлеп бирү шарты белән барачак. Проект нигезендә, паркта яшеллекләрне саклап калу, тротуар плиткасын яңарту, төрле яшьтәге балалар өчен уен зоналары һәм спорт мәйданчыклары булдыру планлаштырыла. Перспективалы планнарда шулай ук сәхнәле амфитеатр төзү дә бар. Балалар һәм спорт мәйданчыкларын заманча җиһазлар һәм куркынычсыз резина өслекләр белән тәэмин итү планлаштырыла. Спорт мәйданчыкларында воркаут-комплекслар, теннис өстәлләре һәм тренажерлар урнаштырылачак. Паркка функциональ элементлар өстәү турында халыкның фикерен исәпкә алу өчен иҗтимагый фикер алышулар үткәрү планлаштырыла, аларның нәтиҗәләре проектны алга таба эшләгәндә исәпкә алыначак. Төзекләндерүнең алдагы этапларын гамәлгә ашыру сроклары финанс мөмкинлекләренә һәм муниципаль дәрәҗәдә кабул ителә торган карарларга бәйле булачак.