Нәүрүз котлы булсын

  2026 елның 1 маенда Җәлил бистәсендә Яз һәм Хезмәт бәйрәменә багышланган митинг узды. Бу бәйрәм көнендә  җәлилчеләрне кояш  язгы кәеф белән сөендерде.Бәйрәмдә катнашучылар Ленин проспекты буйлап Мәдәният сараена кадәр шатлыклы кәеф белән йөрүдә катнаштылар.             Сәламләү сүзләре белән Сарман муниципаль районы башлыгы урынбасары Гараева Г. Р., Җәлил ТПППО «Татнефть» ПАО  рәисе Маринина Л.З.,  Җәлил бистәсе башлыгы Кәримов Р.Ә., 1 нче Җәлил урта мәктәбе директоры Латифуллина Г.Ф., ветераннарның Территориаль советы рәисе Харисов Р.А. чыгыш ясадылар.            Яз һәм Хезмәт көнен бәйрәм итү кысаларында  сәүдә ярминкәсе, бәйрәм колонналарын бизәү конкурсы, иҗади бәйге (асфальтта һәм мольбертта рәсем ясау), җиңел атлетика эстафетасы, спорт уеннары, шахмат турниры, «Язгы моңнар» вокаль конкурслары үткәрелде

Хөрмәтле райондашлар! Сезне 1 Май – Яз һәм Хезмәт бәйрәме белән чын күңелемнән тәбрик итәм. Аерым бер үзенчәлекле һәм шатлыклы хис белән сугарылган бу бәйрәмне төрле буын вәкилләре күтәренке күңел белән каршы алалар. Чөнки ул һәр аерым кешенең, һәр гаиләнең һәм, нәтиҗәдә, Сарман районыбыз, туган республикабыз, илебез иминлегенең нигезе булган теләктәшлек, дуслык һәм бердәмлек төшенчәләрен тагын да ныгытучы, хезмәт кешесенә ихтирам хисен чагылдыручы тарихи символга әверелде. Хөрмәтле райондашлар, сезгә районыбызны үстерүгә-ныгытуга керткән лаеклы өлешегез, фидакарь хезмәтегез өчен олы рәхмәтемне җиткерәм. 1 Май бәйрәме көнендә күтәренке кәеф, эшегездә уңышлар, ныклы сәламәтлек, ил-көнебезгә тынычлык һәм иминлек телим.

Экологик икеайлык кысаларында безнең балалар бакчасы коллективы өмәдә актив катнашты. Без үзебезгә беркетелгән территорияне җыештырудан башладык: җирне яхшы итеп узган елгы чүп-чардан һәм куралардан тырмалап чистарттык. Чистарту эшләрен тәмамлагач, 35 яшь чыршы утыртып, ТАССР паркын яшелләндерүгә үз өлешебезне керттек. Уртак эш башкару барыбызга да яхшы кәеф һәм күтәренке рух бүләк итте. Авылыбызны чистарак һәм яшелрәк итә алуыбыз белән без горурланабыз!

Санитар-экологик икеайлык кысаларында Азалак авыл җирлегендә өмәләр дәвам итә