Мөхәммәдиев Эльмир Әмирҗан улы белән хушлашу
Бүген Әлмәт авылында Украинада махсус хәрби операция барышында һәлак булган Мөхәммәдиев Эльмир Әмирҗан улы белән хушлашу панихиды узды.
Сарман муниципаль районы башлыгы Фәрит Мөнәвир улы Хөснуллин һәлак булган кешенең туганнары һәм якыннарының кайгысын уртаклашты.
Мөхәммәдиев Эльмир Әмирҗан улы 1971 елның 15 октябрендә Татар АССРның Сарман районы Петровский Завод авылында туган.
1988-1989 елларда Минзәлә ДОСААФ автомәктәбендә укый. Шофер һөнәрен ала.
1989 елда РФ Кораллы Көчләре сафларына чакырыла. Ракета гаскәрләрендә хезмәт итә, 1991 елда кече сержант дәрәҗәсендә демобилизацияләнә.
Махсус хәрби операциядә контракт буенча 2022 елның 21 октябреннән катнаша.
90600 гаскәр часте мотоукчылар батальоны мотоукчылар ротасының мотоукчылар взводының өлкән укчысы гвардия кече сержанты Мөхәммәдиев Эльмир Әмирҗан улы 2023 елның 20 ноябрендә Украина, Донецк Халык Республикасы һәм Луганск Халык Республикасы территориясендә махсус хәрби операция барышында махсус бурычларны үтәгәндә һәлак була..
Һәлак булган сугышчы өчен кайгы уртаклашу һәм тирән кайгы…
Мәңгелек хәтер... Мәңгелек дан ...