Исмәгыйловлар гаиләсе бүген Алтын туйларын билгеләп үтәләр

2024 елның 27 июле, шимбә

Районыбызның хөрмәтле гаиләсе - Исмәгыйловлар бүген Алтын туйларын билгеләп үтәләр. Сарман муниципаль районы Башлыгы Фәрит Мөнәвир улы Хөснуллин, Татарстан Республикасында Суд департаменты начальнигы Җәудәт Миргаҗәм улы Салихов белән бөтен гомерләрен яшь буынны укыту-тәрбияләүгә багышлаган Равил Зариф улы белән Римма Әхмәтҗан кызын котладылар.

"Хөрмәтле Равил Зарифович, Римма Әхмәтҗановна! Бүген дә районыбыз тормышында актив катнашуыгыз өчен зур рәхмәт. Сезне гомер бәйрәмегез белән тәбрик итеп, гаиләгезгә тигезлек, муллык, сәламәтлек телибез. Балаларыгыз, туганнарыгыз кадер-хөрмәтендә озын-озак яшәргә язсын!",- дип котладылар Фәрит Мөнәвирович һәм Җәудәт Миргаҗәмович.