Илексаз авылында Хәсәнов Динар Хәниф улы белән хушлаштылар
Бүген Илексаз авылында Хәсәнов Динар Хәниф улы белән хушлаштык. Хәсәнов Динар Хәниф улы 1989 елның 06 апрелендә Татарстан Республикасының Сарман районы Илексаз авылында туа. Сарман районының Илексаз урта мәктәбендә укый. Мәктәпне тәмамлагач, Яр Чаллы училищесына укырга керә, аны тәмамлагач, эретеп ябыштыручы белгечлеге ала. 2009-2010 елларда Россия Федерациясе Кораллы Көчләре сафларында срочная хезмәт үтә. Мобилизациягә кадәр «Агрокөч-Сервис»АҖендә эретеп ябыштыручы булып эшли. Махсус хәрби операция зонасына 2022 елның октябрендә мобилизация буенча киткән. 45375 нче гаскәр часте гранатометчысы ярдәмчесе, рядовой Хәсәнов Динар Хәниф улы, 2024 елның 06 гыйнварында һәлак була. Геройның якыннарын югалту ачысын Сарман районы башлыгы Фәрит Мөнәвир улы Хөснуллин уртаклашты, Татарстан Республикасы Рәисе Рөстәм Нургали улы Миңнехановның кайгысын уртаклашу сүзләрен җиткерде. Аның истәлегенә бер минут тынлык игълан ителде.