Сарман муниципаль районы Башлыгы Фәрит Мөнәвир улы Хөснуллинның Әтиләр көне белән котлавы

2024 елның 20 октябре, якшәмбе

2021 елдан башлап РФ Президенты В.В. Путинның 2021 елның 4нче октябрь Указы белән рәсмиләштерелгән әһәмиятле гаилә бәйрәмнәренең берсе Әтиләр көне билгеләп үтелә.

Бу бәйрәм гаилә институтын ныгыту һәм балаларны тәрбияләүдә әтиләрнең әһәмиятен арттыру максатларында барлыкка килде һәм Россиядә октябрь аеның өченче якшәмбесендә бәйрәм ителә.

Үз гомерендә әти булу шатлыгын татыган, балаларына ата назын, тормышта ныклы терәк һәм яклаучы булырлык әтиләре барлыгын тою мөмкинлеген биргән барлык ир-егетләрне Әтиләр көне белән котлыйм, ныклы сәламәтлек, тынычлык, иминлек телим.

Киләчәктә дә һәр ир кешегә гаилә учагы җылысын тоеп яшәргә, бәхетле уллар һәм кызлар үстерергә насыйп булсын.