Әгәр дә сез сыйфатсыз товар сатып алгансыз икән, нишләргә?
КУЛЛАНУЧЫГА БЕЛЕШМӘ!
Әгәр дә сез сыйфатсыз товар сатып алгансыз икән, нишләргә?
Кулланучылар хокукларын билгели торган төп документ булып «кулланучылар хокукларын яклау турында» 07.02.1992 №2300-1 РФ Законы (алда - Закон) тора.
Законда кулланучының хокуклары гына түгел, сатучының бурычлары да каралган.
Сез сыйфатсыз товар, мәсәлән диван сатып алганда, вәзгыятьне җентекләп карыйк.
Башта-товарда җитешсезлек табылганда кулланучының нинди хокуклары бар – законның 18 статьясы 1 пункты):
- шул ук маркалы товарга (шул ук модельләрне һәм (яисә) артикулны) алыштыруны таләп итәргә;
- сатып алу бәясен тиешенчә яңадан исәпләп, шундый ук товарга башка марканы (модельне, артикулны) алыштыруны таләп итәргә;
- сатып алу бәясен тиешенчә киметүне таләп итәргә;
- товар җитешсезлекләрен кичекмәстән түләүсез бетерүне яисә кулланучы яисә өченче зат тарафыннан аларны төзәтү чыгымнарын каплауны таләп итәргә;
- сату-алу килешүен үтәүдән баш тартырга һәм товар өчен түләнгән сумманы кире кайтаруны таләп итәргә.
Шулай итеп, яңа диванда ике ай эксплуатациядән соң сез пружинаны тоя башладыгыз, бу, әлбәттә, утыру һәм йокы вакытында уңайсызлык тудыра. Ягъни бу хәл товарның сыйфаты сату-алу шартнамәсе шартларына туры килмәве турында сөйли.