Муниципаль районнар Сарман муниципаль районы

Алтын туйларын билгеләп үттеләр

2024 елның 4 ноябре, дүшәмбе

Халыклар бердәмлеге көне алдыннан Яңа Имән авылында яшәүче Гайфетдинов Рафис Шайхразый улы һәм Мөзәккирә Мәхмүт кызы бергә тормыш коруларының 50 еллык түгәрәк даталарын билгеләп үттеләр. Рафис абый белән Мөзәккирә апа матур тормыш юлы үтеп, 2 кыз тәрбияләп үстерделәр. Бүген алар кадерле әти-әни, сөекле әби-бабай булып балалары, онык-оныкчыклары белән гөрләшеп яшиләр. Истәлекле көннәре белән Гайфетдиновлар гаиләсен Яңа Имән авыл җирлеге сәркатибе Хисамова Л.А. тәбрикләде.

Яңа Имән авыл җирлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

“Син хөрмәткә лаек, Бөек зат!”

Сарман район мәдәният йортында Әниләр көненә багышланган “Син хөрмәткә лаек, Бөек зат!” дип исемләнгән бәйрәм концерты үтте. Әниләрне бәйрәм белән муниципаль район Башкарма комитеты җитәкчесе Вәлиев Фәндәс Әнәс улы котлады, юбилярларга район Башлыгының Мактау грамоталарын тапшырды. Уллары махсус хәрби операциядә батырларча һәлак булган әниләргә чәчәк бәйләмнәре бүләк иттеләр һәм рәхмәт сүзләре җиткерделәр.

Сарман муниципаль районы Башлыгы Фәрит Мөнәвир улы Хөснуллинның махсус операциядә катнашучы белән очрашуы

Бүген Сарман муниципаль районы Башлыгы Фәрит Мөнәвир улы Хөснуллин кыска вакытлы ялда булган якташыбыз – «Татарин» кушаматлы СВО катнашучысы һәм аның гаиләсе белән очрашты. Чәй эчкәндә хәрби вәзгыять, тормыш мәсьәләләре турында фикер алыштылар. Фәрит Мөнәвир улы Рәхмәт хатлары, азык-төлек җыелмасы тапшырды һәм тизрәк җиңү белән кайтуларын теләде.

"Ах, нинди әни" 1 нче Җәлил мәктәбендә

21 нче ноябрь көнне 7 нче сыйныф укучылары өчен Әниләр көненә багышланган бәйрәм үткәрелде. Әниләр "Ах, нинди әни" уенында катнашты. Конкурсантлар сорауларга җаваплар бирделәр, фильмнарны эзләделәр, шулай ук театр-экспромт конкурсында үзләренең барлык талантларын күрсәттеләр. Балалар әниләрен җырлар белән сөендерделәр. Бәйрәм уңышлы узды!

ноябрь, 2024 ел

"Һөнәр Энергиясе"фотокүргәзмә

Бүген 1 нче Җәлил мәктәбенең 9 нчы сыйныф укучылары "Татнефть" компаниясенең "Һөнәр Энергиясе" исемле эшче һөнәрләре фотокүргәзмәсендә булдылар. Татнефть медиаүзәгенең әйдәп баручы белгече Рафаэль Садыйков укучыларга ҖАҖ эшчеләренә кирәкле һөнәрләр турында сөйләде. Балалар зур кызыксыну белән лекция тыңладылар, әңгәмәдә катнаштылар һәм эш фотоларын карадылар.

ЯҢАЛЫКЛАРГА ЯЗЫЛУ