Каташ-Каран авылыннан Мортазиннар гаиләсе "Без-тарихта эзлебез-Гасырлар кайтавазы"фестивалендә катнашты

Бүген 1 нче Җәлил мәктәбенең 9 нчы сыйныф укучылары "Татнефть" компаниясенең "Һөнәр Энергиясе" исемле эшче һөнәрләре фотокүргәзмәсендә булдылар. Татнефть медиаүзәгенең әйдәп баручы белгече Рафаэль Садыйков укучыларга ҖАҖ эшчеләренә кирәкле һөнәрләр турында сөйләде. Балалар зур кызыксыну белән лекция тыңладылар, әңгәмәдә катнаштылар һәм эш фотоларын карадылар.

Ел саен 20 нче ноябрьдә Россия Федерациясе территориясендә Бөтендөнья балалар көненә багышланган Бөтенроссия балаларга хокукый ярдәм күрсәтү көне үткәрелә. Бу көн кысаларында "Җәлил гимназиясе"нең 9 нчы Б сыйныфында тәрбия буенча киңәшче Е.Р. Граханцева тарафыннан хокукый уен үткәрелде һәм «Мин үз хокукларымны беләм» дигән видеоролик күрсәтелде. Чарага Сарман районы опека һәм попечительлек органнарының баш белгече Р.Р. Газизуллина чакырылган иде. Ул балалар белән балигъ булмаганнарның хокуклары һәм бурычлары, хокук бозуларны профилактикалау һәм нәтиҗәләре турында сөйләште. Үз хокукларыңны һәм бурычларыңны белү безнең җәмгыятьтә яшәүнең мөһим критерие булып тора. Укучылар, җәмгыять белеме курсының белемнәренә таянып, «хокук» һәм «бурыч» төшенчәләренең билгеләмәләрен формалаштырдылар.

Патриотик тәрбия кысаларында тәрбия буенча директор киңәшчесе Е.Р. Граханцева «Яңа хәрәкәт» ШУС белән берлектә «Җәлил гимназиясе» ндә СВОда катнашучы хәрбиләргә гуманитар ярдәм җыю буенча «үзебезнекеләрне ташламыйбыз!" оештырдылар. 

Югары Чыршылы авыл җирлегендә халык җыеннары булып узды. Җыенда катнашучылар 2025 елда гражданнарга үзара салым акчасын кертү һәм куллану мәсьәләләре буенча фикер алыштылар.