Бөтенроссия балаларга хокукый ярдәм күрсәтү көне

Бүген Сарысаз Тәкермән авылында яшәүче хезмәт ветераны Закирова Нәсимә Фәретдин кызы 90 яшьлек юбилеен билгеләп үтә.

10 гыйнварда «Ныклы гаилә» проекты һәм Ватанны саклаучылар елы кысаларында район Башлыгы Фәрит Мөнәвир улы Хөснуллин Сарман бала тудыру йортында беренче туган сабыйны котлады. Хәйдәр һәм Алсу Хафизовлар кызларына Мәрьям дип исем кушканнар. Мәрьям, Адилә, Сөләйман, Хәбир, Сәмия һәм Мөхәммәд исемле туганнарыннан соң, алтынчы бала булып дөньяга килде. Хафизовлар гаиләсенә үзләренең җылы теләкләрен район Башкарма комитеты җитәкчесе урынбасары, хатын-кызлар Советы рәисе Индира Сәхипова, ГХАТ бүлеге җитәкчесе Гөлчәчәк Вәлишина, туганнары һәм якыннары җиткерде. Сабыйга, әти-әниләренә, якыннарына сәламәтлек һәм бәхетләр телибез.

10 январь-Ямаш Игәнәйнең туган көне. Бу уңайдан Ләке төп гомуми белем бирү мәктәбендә музейга экскурсия үткәрелде. Ильина Д.Р. укучыларга Я.Игәнәйнең әдәби мирасы, китаплары, шәхси әйберләре турында сөйләде. Бигрәк тә укучыларның игътибарын “Изгелеккә әйдәр уем” китабына юнәлтте. Әлеге җыентыкка шагыйрьнең соңгы елларда иҗат иткән шигырьләре кертелгән. Авылдашыбыз исемен йөртүче урам бар, паркка нигез салынды, мәктәп аның исемен йөртә, без моның белән чиксез горурланабыз.

9 нчы гыйнвар көнне Россиядә Карабүрек көнен билгеләп үтәләр! Карабүрек-рус кышының төп билгеләренең берсе. Кызыл күкрәкле, кечкенә кош үзенең матурлыгы белән балаларны һәм өлкәннәрне һәрвакыт сөендерә.