"Ах, нинди әни" 1 нче Җәлил мәктәбендә

Сарман район мәдәният йортында Әниләр көненә багышланган “Син хөрмәткә лаек, Бөек зат!” дип исемләнгән бәйрәм концерты үтте. Әниләрне бәйрәм белән муниципаль район Башкарма комитеты җитәкчесе Вәлиев Фәндәс Әнәс улы котлады, юбилярларга район Башлыгының Мактау грамоталарын тапшырды. Уллары махсус хәрби операциядә батырларча  һәлак булган әниләргә чәчәк бәйләмнәре бүләк иттеләр һәм рәхмәт сүзләре җиткерделәр.

Бүген Сарман муниципаль районы Башлыгы Фәрит Мөнәвир улы Хөснуллин кыска вакытлы ялда булган якташыбыз – «Татарин» кушаматлы СВО катнашучысы һәм аның гаиләсе белән очрашты. Чәй эчкәндә хәрби вәзгыять, тормыш мәсьәләләре турында фикер алыштылар. Фәрит Мөнәвир улы Рәхмәт хатлары, азык-төлек җыелмасы тапшырды һәм тизрәк җиңү белән кайтуларын теләде.

Бүген 1 нче Җәлил мәктәбенең 9 нчы сыйныф укучылары "Татнефть" компаниясенең "Һөнәр Энергиясе" исемле эшче һөнәрләре фотокүргәзмәсендә булдылар. Татнефть медиаүзәгенең әйдәп баручы белгече Рафаэль Садыйков укучыларга ҖАҖ эшчеләренә кирәкле һөнәрләр турында сөйләде. Балалар зур кызыксыну белән лекция тыңладылар, әңгәмәдә катнаштылар һәм эш фотоларын карадылар.