“Син хөрмәткә лаек, Бөек зат!”

2024 елның 22 ноябре, җомга

Сарман район мәдәният йортында Әниләр көненә багышланган “Син хөрмәткә лаек, Бөек зат!” дип исемләнгән бәйрәм концерты үтте. Әниләрне бәйрәм белән муниципаль район Башкарма комитеты җитәкчесе Вәлиев Фәндәс Әнәс улы котлады, юбилярларга район Башлыгының Мактау грамоталарын тапшырды. Уллары махсус хәрби операциядә батырларча  һәлак булган әниләргә чәчәк бәйләмнәре бүләк иттеләр һәм рәхмәт сүзләре җиткерделәр.

Әниләргә багышлап укылган матур шигырьләр җырлар һәм биюләр белән үрелеп барды. Район мәдәният йорты каршында эшләп килүче “Сердәш” ветераннар ансамбле, балалар сәнгать мәктәбенең “Жасмин” бию коллективы һәм аерым башкаручыларның чыгышларын тамашачылар көчле алкышларга күмделәр.