Хәйруллин Ленар Фәрит улы белән хушлашу панихидасы

2024 елның 28 ноябре, пәнҗешәмбе

Хәйруллин Ленар Фәрит улы 1990 елның 07 декабрендә Татарстан АССРның Баулы шәһәрендә туа.

2006 елда 1 нче санлы Җәлил урта мәктәбенең 9 нчы сыйныфын тәмамлый. 9 нчы сыйныфтан соң Сарман аграр көллиятенә укырга керә.

Белеме - урта һөнәри, машина йөртүче, 2010 ел.

2010-2011 елларда Кораллы Көчләр сафларында срочная хезмәт үтә.

Махсус хәрби операция зонасына контракт буенча 09.08.2024 елда киткән.

2024 елның 30 октябрендә хезмәт вазыйфаларын башкарганда батырларча һәлак була.

Сарман районы башлыгы Фәрит Мөнәвир улы Хөснуллин хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Аның истәлегенә бер минут тынлык игълан ителде.