Гомуми ата-аналар җыелышы

Бүген, 19 декабрь көнне, Азалак төп гомуми белем бирү мәатәбендә гомуми ата-аналар җыелышы узды. Беренче көн тәртибе буенча Сарман аграр көллияте укытучылары Мавлавиева Н.Т. һәм Бакиева Г.А. чыгыш ясадылар. Алар ата-аналарны көллияттә гамәлгә ашырылучы программалар белән таныштырдылар. Икенче көн тәртибе буенча 7 һәм 8 сыйныфларның сыйныф җитәкчесе, инглиз теле укытучысы А.И. Шакирова "Гаиләдә физик һәм эмоциональ көч куллану проблемасы" дигән доклад белән чыгыш ясады. Ул ассызыклаганча, ата-ана тарафыннан үзләренә карата физик көч куллану чагылышын кичерүче балалар төрле эмоциональ халәт кичерәләр. Балага карата җәза кулланганда, ата-аналар уйлап эш итсәләр яхшы булыр иде диелде. Өченче көн тәртибе буенча директор Ф.М. Гайнутдинов чыгыш ясады. Беренче чирек нәтиҗәләренә анализ ясалды, РЦМКО материаллары буенча булачак имтиханнарның тәртибе белән таныштырды, кышкы каникулларга, мәктәп яңалыкларына, мәгарифкә, тәрбиягә аерым игътибар бирелде, киләчәккә планнар билгеләнде.