Муниципаль аттестация комиссиясенең секция утырышы

2025 елның 30 гыйнвары, пәнҗешәмбе

     Сарман муниципаль районы башкарма комитеты мәгариф бүлегенең утырышлар залында муниципаль аттестация комиссиясенең секция утырышы узды. Аттестация комиссиясе әгъзаларына 2025 елның мартында беренче һәм югары квалификация категорияләренә, "Педагог-остаз" категориясенә аттестация узучы педагогларның һөнәри эшчәнлеге нәтиҗәләре тәкъдим ителде. Аттестацияләнүчеләргә үзләренең һөнәри казанышларын күрсәтү һәм аттестация документларын тутырганда методик ярдәм алу мөмкинлеге бирелде. Комиссия әгъзалары тарафыннан педагогларның үсеш траекторияләре билгеләнде, һөнәри компетенцияләрне камилләштерү юнәлешендә алга таба эшләү буенча тәкъдимнәр бирелде.