Бүген IV чакырылыш Сарман муниципаль районы Советының XXVI утырышы узды. Утырыш эшендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Азат улы Җәббаров, Татарстан Республикасы Суд департаменты идарәсе башлыгы Җәүдәт Миргәҗәм улы Салихов, сигезенче чакырылыш Россия Федерациясе Дәүләт Думасы депутаты Руслан Гаджи улы Гаджиев, Татарстан Республикасы Рәисе администрациясенең территорияләр белән эшләү идарәсе баш киңәшчесе Айрат Рафинант улы Мостафин катнашты.

Бөек Ватан сугышы һәм туган якны өйрәнү музее яңа бинада үзенең эшчәнлеген бик күркәм һәм мөһим чарадан башлап җибәрде: сугыш ветераны Исмәгыйлев Габделәхәт Гыйльфанетдин улын "1941-1945 еллардагы Бөек Ватан сугышында Җиңүнең 80 еллыгы" юбилей медале белән бүләкләү һәм Сарман районы Почетлы гражданы исеме бирү тантанасы үздырылды. Чарада Татарстан Республикасы Премьер-министры урынбасары, авыл хуҗалыгы һәм азык-төлек министры- Марат Азат улы Җәббаров, Татарстан Республикасында Суд департаменты идарәсе башлыгы- Җәүдәт Миргаҗәм улы Салихов, Татарстан Республикасы Сарман муниципаль районы башлыгы - Фәрит Мөнәвир улы Хөснуллин һәм  Башкарма комитет җитәкчесенең социаль мәсьәләләр буенча урынбасары - Сәхипова Индира Рәис кызы катнаштылар.  Мөхтәрәм кунакларны Сарман гимназиясенең яшьармеечылары отделениесе каршы алды.

5 февральда хәрби-патриотик тәрбия максатларында, Ватанны саклаучылар елы кысаларында һәм Бөек Ватан сугышында Җиңүнең 80 еллыгын бәйрәм итү кысаларында Петровка-Завод урта гомуми белем бирү мәктәбенең укучылары өчен «Красные ленты» исемле фильм күрсәтелде.

Авылыбыз фельдшеры Борисова Р.Д. Ләке мәктәбе укучылары алдында чыгыш ясады. Ул бүгенге көн яшүсмерләренең электрон тәмәкегә, энергетикларга тартылуын, алкоголь эчемлекләр һәм аларның бала сәламәтлегенә зыян китерүен аңлатты. Шулай ук укучыларның телефонга бәйлелегенә дә тукталды. Мобиль бәйлелек стреска, депрессиягә, борчылуга, йокысызлыкка, үзеңне хөрмәт итмәүгә, кешеләр белән мөнәсәбәтләрдә проблемаларга китерергә мөмкин. Социаль челтәрләргә бәйлелеккә дә тукталды. Болар барысыда бала организмына зур зыян салуны ассызыклады.  Һәрберебезнең сәламәтлеге үз кулыбызда! Күбрәк хәрәкәтләнергә, саф һавада булырга кирәк! Сәламәт булыйк!