Нәүрүз - мөбәрәкбад!

8 нче февраль-Россиядә фән көне билгеләп үтелә. Шул уңайдан Җәлил бистәсенең 6 нчы санлы "Теремкәй" балалар бакчасында чаралар үткәрелде. Аның максаты-балаларның игътибарын тәҗрибә үткәрү кебек эшчәнлеккә җәлеп итү; кулдан килгән чаралар һәм предметлар кулланып катлаулы булмаган тәҗрибәләр үткәрергә, фикер йөртергә, анализларга, нәтиҗәләр ясарга һәм фәнни яктан аңлатырга өйрәтү. Бу эшчәнлек балаларга бик ошады.

2025 нче елның 5 нче февралендә МБГББУ «Җәлил гимназиясе» нең 10 нчы һәм 11 нче сыйныф укучылары Казан югары танк училищесының Ачык ишекләр көнендә катнаштылар. Укучылар данлыклы хәрби бинаның тарихы белән танышу, курсантлар шөгыльләнә торган укыту-матди базаны һәм техниканы үз күзләре белән күрү өчен уникаль мөмкинлек алдылар.

Алмашынучан болыт. Явым-төшем сизелерлек түгел. Төнлә һәм иртән аерым районнарда томан. Җил көнбатыштан, көньяк-көнбатыштан 5-10 м/с. Төнлә һаваның минималь температурасы -15..-20, аязганда -23 кадәр. Көндез максималь температура -11..-15˚. Юлларда бозлавык.

Сарман районы үзенең язучылары, шагыйрьләре белән дан тота. Шуларның берсе – чыгышы белән Иске Минзәләбаш авылыннан булган фантаст-язучы, татар телендә фәнни-фантастик әдәбиятка нигез салучыларның берсе Адлер Камил улы Тимергалин. Быел аның тууына 95 ел тула. Шул уңайдан бүген язучы исемен йөртүче Иске Минзәләбаш төп гомуми белем бирү мәктәбендә «Татар язучысының фантастик дөньясы» дип исемләнгән районара фәнни-тикшеренү укулары кысаларында татар теле һәм әдәбияты укытучыларының район методик берләшмәсе утырышы оештырылды. Утырыштан соң кунакларны шулай ук Адлер Тимергалин исемен йөртүче музейга чакырдылар. Чараны мәктәп директоры урынбасарлары Эльвира Илһамова белән Таңсылу Сәхәбиева алып бардылар. Директор Гөлия Гыйльфанова чарада катнашучыларны кыскача гына мәктәп тормышы, укуларның нәтиҗәләре белән таныштырып китте. Район Башкарма комитеты җитәкчесе урынбасары Индира Сәхипова язучының кызы – рәссам, нәкышчы, декоратив-гамәли сәнгатьче, РФ рәссамнар берлеге һәм Татарстан рәссамнар берлеге әгъзасы, Татарстанның атказанган сәнгать эшлеклесе Алсу Тимергалинага районның 95 еллыгы уңаеннан район башлыгы Фәрит Хөснуллин исеменнән символик бүләк тапшырды. Мәгариф бүлеге җитәкчесе Гөлназ Исмәгыйлева белән Иске Минзәләбаш авыл җирлеге башлыгы Айдар Габдрахмановның да чыгышлары тыңланды. Авыл имам-хатыйбы – Адлер Тимергалинның туганы Илдар Әшрафуллин аның белән бәйле истәлекләре белән уртаклашты. Алсу Тимергалина белән язучының улы – эшмәкәр Рөстәм Тимергалин кунакларга китаплар, бүләкләр тапшырдылар, үзләре дә бүләксез калмадылар. Чарага якташыбызның оныгы Камил дә кайткан иде. Кунаклар укучылар чыгышлары, җыр-биюләре, музей экспонатлары, махсус хәрби операция геройларына багышланган почмак, мәктәп һәм музей тарихына багышланган презентацияләр белән таныштылар. Мөхтәрәм кунаклар – татар шагыйре, журналист һәм публицист, Татарстанның атказанган сәнгать эшлеклесе, Габдулла Тукай исемендәге Дәүләт, Муса Җәлил премияләре, Татарстан Язучылар берлегенең Гаяз Исхакый исемендәге әдәби бүләге лауреаты, Татарстанның халык шагыйре Газинур Морат, татар шагыйре, язучы, Габдулла Тукай исемендәге премия лауреаты, халык язучысы, Татарстанның атказанган сәнгать эшлеклесе Марсель Галиев Адлер Тимергалинга багышланган шигырьләрен укып үттеләр. Ахырдан барысы да «Туган тел»не башкардылар, Алсу Тимергалинаның мастер-классы кысаларында рәсем ясап карадылар. Чара бәйрәм табыны артында дәвам итте.