1 апрель - Кошлар көне

Бүген 7 санлы "Ләйсән" балалар бачасының мәктәпкә әзерлек төркемендә тәрбияләнүчеләр янә кошлар турында кайгырттылар.

Мәктәпкә әзерлек төркеме балалары бүген мавыктыргыч экспериментлар дөньясына чумдылар! Алар, гаҗәеп химик реакцияләрне күзәтеп, бакырның көмеш белән каплану процессын өйрәнделәр. Тәрбияче апалары җитәкчелегендә балалар мөстәкыйль рәвештә тәҗрибәләр үткәрә һәм кызыклы ачышлар ясый алдылар. Бу чара мәктәпкәчә яшьтәге балаларның танып белү активлыгын үстерергә һәм фәнгә кызыксыну уятырга ярдәм итте.

Бүген Алдынгылар хәрәкәтенең "Китап" клубының беренче утырышы узды. Алда торган бурычлар турында сөйләшеп, еллык план төзелде. Ел дәвамында укыган, кызыклы китаплар турында әңгәмәләр үткәрүне, төрле мастер-класслар, квизлар оештыру максат итеп куелды.

Сарман муниципаль районы Башлыгы Фәрит Мөнәвир улы Хөснуллин ТАТАВТОДОР җәмгыятенең Түбән Кама филиалы директоры Зөфәр Мөбәрәк улы Ямалиев, филиалның баш инженеры Рәфис Анис улы Хөсәенов һәм башка вәкилләр белән очрашты. Очрашуда Саклаубаш-Юлтимер автомобиль юлын ремонтлау буенча алда торган эшләр турында фикер алыштылар. Участоктагы эшләрнең планнарына һәм күләмнәренә, куелган бурычларны сыйфатлы һәм вакытында үтәүгә аерым игътибар бирелде.