Педагогик совет.
2025 елның 31 мартында 2 нче Җәлил урта мәктәбендә «Мәктәптә гражданлык-патриотик мәгарифкә заманча якын килү» темасына багышланган педагогик советы булды. Шулай ук 3 нче чиреккә йомгак ясалды. Укыту буенча директор урынбасары А.Р. Закирова, Салихова А.Р., мәгълүматлаштыру буенча директор урынбасары Гатин Р.И., милли мәсьәләләр буенча директор урынбасары И.З.Садыйкова һәм директорның тәрбия эшләре буенча урынбасары Л.А. Галиева бу мөһим теманың төрле аспектларын яктыртып, докладлар белән чыгыш ясадылар. Тәрбия буенча директор киңәшчесе Сәлахова Э.М. мәктәптә патриотик тәрбия буенча башкарылган эш турында хисап бирде. Педагог-оештыручы Бәдертдинова А.Л. «Георгий тасмасы» дип аталган мастер-класс күрсәтте. Педсовет укучылар арасында гражданлык-патриотик тәрбия өлкәсендә тәҗрибә алмашу һәм яңа стратегияләр эшләү мәйданчыгы булды.