"Зиннәт Хәсәнов исемендәге Иске Кәшер урта мәктәбе" укучылары республика фәнни-гамәли конференциясендә призерлар булдылар

Җәлил бистәсе китапханәсенең балалар бүлегендә Россия халыклары бердәмлеге елына багышланган искиткеч җылы чара узды. Бу бәйрәм төрле буыннарны һәм мәдәниятләрне бер сәхнәгә җыйды. Кичәгә «Әүлия моңнары» халык гармунчылар ансамбле һәм «Родники»  рус халык вокал ансамбле чакырулы иде. Бәйрәмнең иң күркәм бизәге булып безнең балалар бакчасының мәктәпкә әзерлек төркеме балалары чыгыш ясады. Балалар татар һәм рус телләрендә җырлар җырладылар. Россия һәм Татарстан турында  шигырьләр сөйләделәр. Халык уеннары аша алар борынгы традицияләрне яңарттылар. Бу чара балаларда ватанпәрвәрлек хисе уятты һәм халыклар арасындагы дуслык күперен тагын да ныгытты.

   2026 елның 2-4 февралендә рус телендә белем бирүче мәктәп укучылары арасында татар теле буенча республика олимпиадасының йомгаклау этабы узды.

Бүген Сарманда Фермерлар, крестьян-фермер хуҗалыклары һәм авыл хуҗалыгы кулланучылар кооперативлары конференциясе узды. Көн тәртибендәге беренче мәсьәлә буенча район авыл хуҗалыгы һәм азык-төлек идарәсе башлыгы Николай Иванович Сахуриев чыгыш ясады. Ул фермерлар, крестьян хуҗалыклары һәм авыл хуҗалыгы кулланучылар кооперативларының 2025 елгы эшчәнлегенә йомгаклар ясады һәм агымдагы елга бурычлар белән таныштырды. Идарәнең җитештерү бүлеге башлыгы Илнур Хәйдәр улы Салихов — үсемлекчелек, ә «Россельхозцентр»ның район филиалы башлыгы Рамил Мисхат улы Нәҗметдинов орлык материалы юнәлешләре буенча чыгыш ясады. Банк хезмәткәре Ләйсән Хәйдәр кызы Хөснетдинова, «Туган як " агрофирмасы директоры Раил Наил улы Җиһангиров чыгышлары тыңланды. Чарага район Башлыгы Фәрит Мөнәвир улы Хөснуллин йомгак ясады. Ул районда социаль-икътисадый күрсәткечләр һәм авыл хуҗалыгы өлкәсендәге эшләрнең торышы турында сөйләде. Аеруча уңышка ирешүчеләр район Советының мактау грамоталары һәм истәлекле бүләкләр белән бүләкләнделәр.

Мортыш-Тамак авылында 7 февральдә Сарман муниципаль районы Башлыгы Кубогына кышкы картинг буенча ачык ярышлар уздыру буенча киңәшмә узды. Шул уңайдан бүген буа янында район оешма-предприятиеләре җитәкчеләре белән ярышларга әзерлек һәм аларны үткәрүгә багышланган киңәшмә узды. Киңәшмәне Сарман муниципаль районы Башлыгы Фәрит Мөнәвир улы Хөснуллин алып барды. Анда трассаны чистарту, транспорт тукталышы, электр белән тәэмин итү, хөкемдарлык һәм башка мәсьәләләр каралды. Фәрит Мөнәвирович бурычларны билгеләде, аларны җаваплы затларга беркетте.