Ләшәү-Тамак төп гомуми белем бирү мәктәбенең «Балигъ булмаганнарның мотоцикллары һәм скутерлары белән идарә итү» темасына класс сәгатьләре
Сыйныф җитәкчеләре аңлатуынча, язгы-җәйге сезон килү белән балигъ булмаганнарның яңа мавыгулары барлыкка килә, аларның нәтиҗәләре иң фаҗигале булырга мөмкин. Скутерлар һәм мопедлар соңгы вакытта бик популяр булды һәм аларның саны юлларда елдан-ел арта бара. Ике тәгәрмәчле транспорт руле артына утырганда, юл хәрәкәтендә катнашучылар үзләренең куркынычсызлыгы турында уйламыйлар. Әңгәмә барышында мопед, мотоцикл һәм скуторлар белән идарә итүче яшүсмерләргә аерым игътибар бирделәр. Законлы нигездә яшүсмерләр мопед руле артына автомәктәптә укыганнан соң 16 яшьтән генә утыра ала, диелгән иде. Балаларга мотоцикллар, скутерлар һәм мопедларның иң якланмаган транспорт чараларының берсе булуын һәм алар катнашындагы юл-транспорт һәлакәтләренең мотоциклчылар өчен тагын да авыррак нәтиҗәләргә китерүен искәрттеләр. Юл хәрәкәте кагыйдәләрен бозган очракта административ җаваплылык һәм штрафлар турында җентекләп сөйләделәр. Укучылар яшь буенча чикләүләр һәм Россия Федерациясе законнары нигезендә мототранспорт белән идарә итәргә мөмкинлек бирә торган шартлар турында белделәр. Дәрес азагында «укучыларның куркынычсызлык техникасы һәм үз-үзләрен тоту кагыйдәләре буенча Инструктаж» үткәрелде һәм һәр укучыга Сарман районы Башкарма комитетының мәгариф бүлеге биргән буклетлар бирелде.