Зур Нөркәй авылы мәдәният йорты каршында эшләп килүче «Зөбәрҗәт» халык фольклор коллективы (җитәкчесе – Илһамия Кутусова) Арча районы Ташкичү авылында үткәрелгән IV ачык «Сөлгеле капка» фольклор фестивалендә катнашты. Ул, уңышлы чыгыш ясап, диплом белән бүләкләнде. Шушы ук фестивальдә «Нөркәем» вокаль-инструменталь ансамбле дә чыгышы белән катнашучыларны сокландырды һәм дипломга ия булды.