Махьянов Рәмис Ринат улы белән хушлашу панихидасы
Бүген Җәлил бистәсендә Украинадагы махсус хәрби операция барышында һәлак булган Махьянов Рәмис Ринат улы белән хушлашу чарасы узды.
Махьянов Рәмис Ринат улы 1992 елның 14 апрелендә Татарстан Республикасы Бөгелмә районының Карабаш бистәсендә туган.
Җәлил бистәсенең 1 нче урта мәктәбендә беренчедән тугызынчы сыйныфка кадәр укый. Мәктәпне тәмамлагач, Сарман аграр көллиятендә тракторчы-машинистка укый.
Армиядә 2010 елдан 2011 елга кадәр хезмәт иткән. Армиядән соң Прикамнефтестройсервиста монтажчы булып эшли.
2025 елның 27 июлендә инженер-сапер ротасының инженер-сапер взводы инженер-сапер бүлеге сапер-мотористы рядовой Махьянов Рәмис Ринат улы Украина, Луганск Халык Республикасы һәм Донецк Халык Республикасы территориясендә махсус хәрби операция үткәрү барышында бурычларны үтәгәндә һәлак була.
Сарман муниципаль районы Башлыгы Фәрит Мөнәвир улы Хөснуллин хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде.
Мәңгелек хәтер... Мәңгелек дан ...