«Яшьләр һәм шәһәр мохите» II Бөтенроссия яшьләр форумына теркәлү ачылды
19-21 август көннәрендә Казанда «Кече шәһәрләрне һәм тарихи җирлекләрне үстерү» Бөтенроссия форумы кысаларында узачак территорияләрне үстерү өлкәсендәге төп яшьләр вакыйгасына теркәлү башланды.
Форум икенче ел уздырыла һәм үзен алдынгы идеяләр һәм гамәли чишелешләр булдыру өчен уникаль мәйданчык буларак танытты. 3 көн дәвамында катнашучыларны 4 махсус трек буенча интенсив эш көтә, алар 30дан артык чараны үз эченә ала: воркшоплар, мастер-класслар, проект сессияләре, нетворкинг һәм әйдәп баручы экспертлар белән очрашулар.
Форум программасы 4 тематик трек буенча структуралаштырылган: «Шәһәр энергиясе» интенсивы, «Шәһәр медиалары» лабораториясе, «Фиджитал-урбанистика» остаханәсе һәм «Һөнәри траектория»программасы.
"Ышанам, форум Уңайлы шәһәр мохитен булдыруга юнәлдерелгән яңа идеяләр тудыру өчен уникаль мәйданчык булачак, ә сезнең катнашу нәтиҗәләре озак вакытлы нәтиҗәгә китерәчәк. Төзекләндерү буенча беренче яшьләр форумы булды һәм аны уңышлы дип санарга була, димәк, икенчесе дә булачак», — дип билгеләп үтте РФ төзелеш һәм ТКХ министры Ирек Фәйзуллин («Яшьләр һәм шәһәр мохите»I Бөтенроссия яшьләр форумы ачылышында).
Теркәлү: малыегородароссия.рф