«Җәлил» кинотеатрында иҗади кичә.
14 августта «Җәлил» кинотеатрында Габдулла Кариев исемендәге Яшь тамашачы театры артисты Эльдар Гатауллин белән уникаль иҗади очрашу узды. Кичә Шәрәфетдинов Ринат Мифтахетдин улының Татарстан Республикасы Рәисен сайлаулар көненә һәм Татарстан көнен бәйрәм итүгә багышланган кызыклы киновикторинасы белән башланып китте. Гатауллин Эльдар Хафиз улы РФ атказанган артисты, Татарстан ССРның Халык артисткасы, Татарстан АССРның атказанган артисткасы Нуруллина Дания Нургаяз кызы белән берлектә чыгыш ясады һәм бу кичәгә җылылык һәм гармония өстәде. «Шәһәр тибындагы Җәлил поселогы» муниципаль берәмлеге Башлыгы Кәримов Рәфикү Әзһәм улы чакырылган кунакларга рәхмәт хатлары һәм истәлекле бүләкләр тапшырды, мондый мәдәни инициативаларның мөһимлеген раслады. Вакыйга Татарстан Республикасы Халык язучысы Зөлфәт Хәким пьесасы мотивлары буенча төшерелгән «Немая кукушка» («Телсез куке») нәфис фильмының премьера тамашасы белән тәмамланды.