Эшләүче яшьләр өчен "МолоТ"проекты
Узган ялларда Пермьдә эшләүче яшьләр өчен Идел буе федераль округының «МолоТ» (Яшьләр хезмәте) яңа иҗтимагый проектының финалын ябу тантанасы булды.
Эшләүче яшьләр өчен яңа проект Россия Президентының Идел буе федераль округындагы Тулы вәкаләтле вәкиле Юрий Комаров патронаты астында уздырылды.
Россиядә беренче тапкыр «МолоТ» проекты финалда Идел буе федераль округының 14 төбәгеннән 420 катнашучыны берләштерде – икътисадның реаль секторы предприятиеләренең 18 яшьтән 35 яшькә кадәрге яшь белгечләрен, шул исәптән балалы яшь гаиләләрне. Сайлап алу чараларында округның 394 предприятиесеннән барлыгы 16 мең кеше катнашты.
Округ этабында катнашучылар 12 юнәлештә көч сынаштылар: интеллектуаль турнирлардан һәм иҗади конкурслардан алып берничә спорт дисциплинасына кадәр — мини-футбол, волейбол, йөгерү-эстафета, 5000 метрга йөгерү, өстәл теннисы, шахмат, шәһәр спорты, спорт ориентлашуы, квиз. Оештыручылар гаилә ярышларын аерым блокка бүлделәр.
«МолоТ» (Яшьләр хезмәте) проектының округ финалында эшләүче яшьләрне Татарстан икътисадының реаль секторындагы алты предприятиедән – «ТАТНЕФТЬ» һәм «КАМАЗ», «Казанкомпрессормаш», «Казан вертолет заводы», «Түбән Кама Нефтехим» (СИБУР), «Казаноргсинтез» (СИБУР) республика спартакиадаларында җиңүче эшләүче яшьләр командалары тәкъдим итте.
Тулы нәтиҗәләр белән ВКонтактеда эшләүче яшьләр өчен «МолоТ» проектының рәсми төркемендә танышырга мөмкин. https://vk.com/molotpfo).