Сарман авылының Куйбышев урамында ишегалды бәйрәме "Сәлам, күрше!"

2025 елның 15 августы, җомга

«Курше фест» һәм «Татарстанда җәй» проектлары кысаларында Сарман авылында Куйбышев урамы, 80 нче йортта  «Сәлам, күрше!» бәйрәме узды.

Чарада Сарман муниципаль районы Башлыгы Фәрит Мөнәвир улы Хөснуллин катнашты, "Безнең ишегалды" программасы активистларына Рөстәм Нургали улы Миңнехановның Рәхмәтен тапшырды, "Курше фест"проекты волонтерларына рәхмәт хатлары тапшырды.

Программада мастер-класслар, спорт ярышлары, иҗади коллективларның музыкаль чыгышлары булды, ә Куйбышев урамындагы йортларда яшәүчеләр күршеләрне һәм кунакларны хуш исле чәй һәм тәмле коймак белән сыйладылар.