Төзелеш һәм капиталь ремонт объектларын карап чыгу

2025 елның 20 августы, чәршәмбе

Сарман муниципаль районы Башлыгы Фәрит Мөнәвир улы Хөснуллин төзелеш һәм капиталь ремонт объектларын карап чыкты, эшләрнең барышы белән танышты, подряд оешмалары вәкилләре белән очрашты.

Сарман авыл җирлегенең административ бинасында төзелеш эшләре төгәлләнә. Тиздән тантаналы ачылыш булачак.

Шулай ук Сарман аграр көллияте студентлары өчен уку корпусы ишекләре ачылачак. Биредә «Профессионалитет» төбәк проектының «Яшьләр һәм балалар» милли проекты кысаларында эшләр башкарылган.

Яңа урам, 77 адресы буенча урнашкан күпфатирлы йортны төзү график буенча бара.