Мәгариф хезмәткәрләренең республика август киңәшмәсе

2025 елның 22 августы, җомга

Бүген Сарман муниципаль районы башлыгы Фәрит Мөнәвир улы Хөснуллин мәгариф хезмәткәрләренең республика август киңәшмәсендә катнашты, аның кысаларында күргәзмә оештырылды.

«Тату сыйныф серләре» республика конкурсында җиңгән Сарман урта мәктәбе командасы ата - аналар һәм укучылар көче белән оештырылган музей почмагын күрсәттеләр. Әлеге экспозиция безнең заманда актуаль, чөнки ул Бөек Ватан сугышы тарихын махсус хәрби операция чынбарлыгы белән берләштерә. Республика рәисе Рөстәм Нургали улы Миңнеханов экспозициягә югары бәя бирде һәм проектны булдыруда иҗади якын килүне билгеләп үтте.