«Мәктәпкә җыенырга ярдәм ит» хәйрия акциясе

2025 елның 26 августы, сишәмбе

Сарман муниципаль районы педагогик хезмәткәрләренең август конференциясе кысаларында ел саен үткәрелә торган «Мәктәпкә җыенырга ярдәм ит» хәйрия акциясе узды, ул балаларны уңышлы уку өчен кирәкле барлык нәрсәләр белән тәэмин итүгә юнәлдерелгән иде.

Сарман районы Башлыгы Фәрит Мөнәвир улы Хөснуллин, Татарстан Республикасы Мәгариф һәм фән министрының беренче урынбасары Андрей Иванович Поминов, Татарстан Республикасы Дәүләт Советы депутаты Рияз Фоат улы Комаров 65 беренче сыйныф укучысын котладылар, портфельләр һәм мәктәп кирәк-яраклары тапшырдылар.