4 нче «Сандугач» балалар бакчасының өлкәннәр төркемендә тәрбияләнүчеләр пешекче Лилия Григориевнаны һөнәри бәйрәме белән котладылар.
Иртән балалар бакчасына барган сабыйларны күреп, кайберәүләр кайчакта көнләшеп тә куя торгандыр. Хәзер пешекче апалары аларны телеңне йотарлык ботка, хуш исле какао белән сыйлаячак.
Балалар: "Бакчада манный да, запеканка да өйдә әни пешергәннән дә тәмлерәк! Моның сере нәрсәдә соң?-дип сорадылар.
- Бөтен күңелебезне биреп, сабыйларга ошасын, үсеп килүче организмга файдалы булсын, дип тырышып пешергәнгә, ашлар шулай тәмле буладыр, - дип елмая "Тәмле" һөнәр иясе Лилия Григориевна.
Әлеге хезмәт ияләрен һөнәри бәйрәмнәре белән тәбрик итәбез! Сезнең һәрберегезгә рух ныклыгы, күнел көрлеге һәм сәламәтлек телибез. Ил-көнегез тыныч, барыр юлларыгыз киң, туар таңларыгыз имин булсын. Йортыгызда иминлек, гаиләгездә тынычлык, муллык һәм бәхет-шатлыклар хөкем сөрсен.