"Җәлил гимназиясе" командасы "Мәктәп бизнес-старты" проектында уңышлы чыгыш ясады
Бүген Бөгелмә шәһәрендә узган "Мәктәп бизнес-старты" республика проектыннан бездә искиткеч яңалыклар бар. Беренче урынны бу юлы роботлар командасы алса да, безнең "Хәзинә остаханәсе" үзенчә балкыды. Безнең команда якты, матур һәм гаҗәеп кызыклы презентация тәкъдим итеп, бик шәп чыгыш ясады. Ә татар орнаменты һәм "сөйләүче" сүзләр белән безнең худилар беркемне дә битараф калдырмады. Жюри моны билгеләп үтте, хәтта конкурстан соң да күпләр соклануларын белдерергә килделәр. Һәм иң мөһиме - без бүләксез китмәдек. "Хәзинә остаханәсе" "Иң яхшы проект презентациясе" номинациясендә җиңүче булды. Бу зур җиңү һәм безнең креативлыкны, логиканы һәм үз идеябезне җиткерә белүебезне тану. Ә хәзер яңа этапка әзерләнәбез-безне Казанда ярминкә көтә. Безнең "сөйләшә торган" эшләнмәләребез башкаланы яулап алсын өчен тагын да тырышыбрак әзерләнәчәкбез.