«Лилия» балалар бакчасында бәйрәм иртәсе узды.
Безнең «Лилия» балалар бакчасында искиткеч чара— җылылык, кайгырту һәм мәхәббәт белән тулы «Әниемнең җылы кочагы» дип аталган бәйрәм иртәсе узды. Бу үзенчәлекле бәйрәм иртәсе һәр әнигә елмаю һәм шатлык диңгезе бүләк итте!
Безнең балалар яраткан әниләре өчен махсус матур чыгышлар әзерләделәр. Биредә күңелле уеннар, матур биюләр, күңелләргә үтеп керә торган җырлар һәм дулкынландыргыч шигырьләр тәкъдим ителде, аларның һәр сүзе әниләрнең күңелен җылыта иде. Балалар әниләренә яратуларын һәм рәхмәтләрен күрсәтеп, бар көчләрен куеп тырыштылар, чөнки әни-һәр баланың иң газиз кешесе бит.
Җылылык һәм кайгырту атмосферасы булдыруга аерым игътибар бирелде, шуның нәтиҗәсендә чара чын мәхәббәт һәм рәхмәт бәйрәменә әверелде. Тәрбиячеләр балалар белән бергә бәйрәмнең онытылмаслык сюжетын тудырдылар, аны иң якты хисләр белән тутырдылар.
Бу тылсымлы бәйрәм иртәсе балаларыбыз һәм әниләребез хәтерендә озакка калачак, чөнки мондый чаралар балаларны һәм әти-әниләрне якынайта, гаилә бәйләнешләрен ныгыта.