"Ел укытучысы-2026" һөнәри конкурсы
2025 нче елның 1 нче һәм 2 нче декабрендә Сарманда "Ел укытучысы-2026" һөнәри осталык конкурсының муниципаль этабы узды. Җәлил гимназиясен химия һәм биология укытучысы Замаева Луиза Назыйр кызы тәкъдим итте. Сынаулар ике көн үтте. Беренче көн барлык катнашучылар өчен дә чын имтихан булды: конкурсантлар мавыктыргыч дәресләр оештыра белүләрен күрсәттеләр. Луиза Назыйр кызының дәресе жюрины материалны бирүнең новаторлык методикасы, предметны тирәнтен белүе һәм балаларны чын күңелдән яратуы белән таң калдырды. Икенче көн традицион имтихан - педагогик интервьюдан башланды. Биредә һәр катнашучы компетентлы жюри сорауларына җавап бирде, заманча белем бирү процессын аңлауларын һәм югары шәхси сыйфатларын күрсәтте. Луиза Назыйр кызы, үзенең педагогик фәлсәфәсен һәркемгә ышаныч белән ачып, яңадан үзен үз эшенең чын остасы итеп күрсәтте. Киеренке көрәш нәтиҗәләре буенча жюри бертавыштан Луиза Назыйр кызын иң яхшы катнашучыларның берсе дип таныды һәм аны муниципаль этап призеры дигән мактаулы исем белән бүләкләде. Хезмәттәшләре Луиза Назыйр кызын котлыйлар һәм киләчәктә зона дәрәҗәсендә җиңүләр телиләр!