Башлангыч мәктәптә Яңа ел бәйрәмнәре

Бүген без Яңа елга бер адым якынлаштык! 2025 елның 25 декабрендә Җәлил шәһәр тибындагы поселогы мәдәният сарае мәйданында Яңа ел чыршысының тантаналы ачылышы узды. Поселок халкын һәм кунакларын Сарман муниципаль районы Башкарма комитеты җитәкчесе Вәлиев Ф.А. һәм «Шәһәр тибындагы Җәлил поселогы» муниципаль берәмлеге башлыгы Кәримов Р. А. котладылар. Чара җырлар һәм биюләр белән үрелеп барды. Һава торышына карамастан, бәйрәмдә катнашучыларның барысы да Баба Яга, Кыш Бабай, Кар Кызы һәм әкияти урман кешеләре белән чыршыда ут кабыздылар. Чыршы бәйрәмендә генә түгел, Җәлилдә яшәүчеләр күңелендә дә ут кабынсын, яңа елда шатлык һәм бәхет китерсен!

“Аленушка” балалар бакчасында яңа ел бәйрәмнәре ахырына якынлашты! Үткән көннәр уен- көлке, биюләр- җырлар, һәм әлбәттә инде, могҗизаны көтү белән тулды. Балалар Кыш бабай белән Кар кызын бик яратып каршы алдылар, күңелле бәйгеләрдә катнашып үзләренең талантларын күрсәттеләр. Без Сарман районы башлыгы Хөснуллин Фәрит Мөнәвировичка, балаларыбызга сөенеч китергән искиткеч бүләкләре өчен, олы рәхмәтебезне белдерәбез! Сезнең игътибарыгыз нәтиҗәсендә, бәйрәм чын мәгънәсендә якты һәм истә калырлык узды. Районыбызның иң кечкенә халкы өчен яңа ел кәефен булдыруда ярдәм итүегез һәм өлеш кертүегез өчен рәхмәт! Яңа ел белән!

Азалак авылында гомер итүче Касимова Җәүһәрия Сабирҗан кызына 90 яшь тулды. Олы юбилее белән Сарман муниципаль районы Башлыгы Ф.М. Хөснуллин исеменнән аны муниципаль район башлыгы урынбасары Гүзәл Рифкать кызы Гәрәева, Азалак авыл җирлеге башлыгы И. Г. Габделгазизов һәм ветераннар советы рәисе М. М. Фарлукшина тәбрикләделәр, Җәүһәрия Сабирҗан кызына тирән ихтирам һәм рәхмәт йөзеннән район Башлыгы Фәрит Хөснуллинның рәхмәт хатын һәм истәлекле бүләк тапшырылды. Юбилярга чын күңелдән аңа нык сәламәтлек, күңел җылысы, кадер-хөрмәт һәм озын гомер теләделәр. Җәүһәрия Сабирҗан кызы җылы сүзләре һәм игътибары өчен барысына да чын күңелдән рәхмәтен белдерде.