Югары нефть мәктәбе базасында «Табигый фәннәр» профиле буенча «Звезда» күппрофильле инженер олимпиадасының финал этабы узды
Бүген, 1 февраль көнне, Әлмәт шәһәре кабат интеллектуаль ярышлар үзәгенә әверелде. Югары нефть мәктәбе базасында «Табигый фәннәр» профиле буенча «Звезда» күппрофильле инженер олимпиадасының финал этабы узды. Безнең укучылар — иң көчлеләр рәтендә! Алар белән бергә җиңү өчен якын-тирә районнардан 6–11 сыйныфларда укучы 224 бала көч сынашты. Бу чын сынау иде. Вакыт: 3 сәгать 55 минут тулы игътибар. Биремнәр: физика һәм математика буенча катлаулы мәсьәләләр. Аларны чишү өчен формулалар белү генә җитми, югары дәрәҗәдәге логик фикерләү һәм аналитик сәләтләр дә кирәк. Ни өчен бу мөһим? «Звезда» олимпиадасы РФ Мәгариф һәм фән министрлыгы исемлегенә керә. Финалда ирешкән уңыш укучыларга илебезнең алдынгы техник вузларына укырга кергәндә өстәмә баллар алу мөмкинлеген бирә. Безнең балалар киләчәктәге инженерлык карьерасына бүгеннән үк зур адым ясыйлар! Яшь галимнәребез өчен җан атабыз! Сезнең югары нәтиҗәләргә ирешүегезгә ышанабыз!