"Сандугач "4 нче балалар бакчасы тәрбиячесе Кәлимуллина Ф. Р. -" Яшел ут -2026 "республика смотр-конкурсының муниципаль этабында катнашучы

Ногманов Фәрит Рәсим улы 1987 елның 3 маенда Татарстан Республикасының Сарман районы Сарман авылында туа. 1994 елда Сарман гимназиясенә укырга керә, 2002 елда 9 нчы сыйныфны тәмамлый. 2002 елда Сарман һөнәри-техник училищесына укырга керә, 2005 елда уку йортын «тракторчы-машинист»белгечлеге буенча тәмамлый. 2005-2006 елларда Свердловск өлкәсенең Елай шәһәрендә срочная хезмәт үтә, кече сержант исеме. Мобилизация алдыннан соңгы эш урыны-Чаллы шәһәренең «ТЭМПО» заводы. 2022 елның 27 октябрендә мобилизацияләнгән. 2023 елның 20 ноябрендә рядовой Ногманов Фәрит Рәсим улы Донецк Халык Республикасы, Луганск Халык Республикасы һәм Украина территорияләрендә махсус хәрби операция бурычларын үтәгәндә һәлак булган. Геройның якыннарын югалту ачысын Сарман районы Башлыгы Фәрит Мөнәвир улы Хөснуллин уртаклашты, Татарстан Республикасы Рәисе Рөстәм Нургали улы Миңнехановның кайгысын уртаклашу сүзләрен җиткерде. Аның сүзләренә Сарман һәм Мөслим районнары буенча хәрби комиссар Дашгын Гасанов, сугышчыларның якыннары да кушылды. Аның истәлегенә бер минут тынлык игълан ителде.

01 март көнне авылыбызның бер  күркәм гаиләсендә -Степанов Григорий Павлович белән Зинаида Филаредовнаның матур бәйрәме – зөбәрҗәт туйлары булды. Авыл җирлеге башлыгы Юрий Григорьевич Антонов аларны бәйрәм белән котлады һәм ихлас теләкләрен җиткерде. Ләке мәдәният йорты җитәкчесе Римма Валентиновна юбилярларны тәбрикләп, аларга сәламәтлек, бәхетле озын гомер теләде.

"Җәлил гимназиясе"ндә А.Л. Шәйхетдинова җитәкчелегендәге укучылар СВО өчен маскировка челтәрләре үрәләр. "Помощь рядом" волонтерлык хәрәкәте әгъзасы Гарайшина Суфия Газимҗан кызы берничә көн дәвамында үрү буенча мастер-класслар күрсәтте. 8 нче Б сыйныфында укучыларның ата-аналары эшләрен дәвам итү өчен кирәкле материал сатып алганнар.

Хөрмәтле Рөстәм Нургалиевич! Барлык сарманлылар һәм шәхсән үз исемемнән Сезне туган көнегез белән котлыйм! Сезнең эшчәнлегегез нәтиҗәсендә Татарстан дөнья мәйданында танылды. Сез йөзләгән милләтне берләштергән халкыбыз мәнфәгатьләрендә яшисез, һәр төбәкнең сулышын тоясыз, үтенечләрегезне хәл итүдә ярдәм күрсәтәсез. Сезнең һәр җылы сүзегез хезмәт кешесенә Туган җире, кайда гына яшәсә дә, үз милләте өчен горурлык хисе уята. Сезнең халыкның тормышын яхшыртуга юнәлтелгән максатчан сәясәтегез һәркемдә киң хуплау таба. Барысы өчен дә рәхмәт Сезгә, Хөрмәтле Рөстәм Нургалиевич, барлык сарманлылар исеменнән. Сезнең алда куелган бурычлар үтәлсен һәм иң кадерле теләкләр тормышка ашсын. Сезгә нык сәламәтлек, бәхетле һәм мул тормыш, тынычлык һәм иминлек телим.