Сарманда Ногманов Фәрит Рәсим улы белән хушлаштылар
Ногманов Фәрит Рәсим улы 1987 елның 3 маенда Татарстан Республикасының Сарман районы Сарман авылында туа.
1994 елда Сарман гимназиясенә укырга керә, 2002 елда 9 нчы сыйныфны тәмамлый. 2002 елда Сарман һөнәри-техник училищесына укырга керә, 2005 елда уку йортын «тракторчы-машинист»белгечлеге буенча тәмамлый.
2005-2006 елларда Свердловск өлкәсенең Елай шәһәрендә срочная хезмәт үтә, кече сержант исеме. Мобилизация алдыннан соңгы эш урыны-Чаллы шәһәренең «ТЭМПО» заводы.
2022 елның 27 октябрендә мобилизацияләнгән. 2023 елның 20 ноябрендә рядовой Ногманов Фәрит Рәсим улы Донецк Халык Республикасы, Луганск Халык Республикасы һәм Украина территорияләрендә махсус хәрби операция бурычларын үтәгәндә һәлак булган. Геройның якыннарын югалту ачысын
Сарман районы Башлыгы Фәрит Мөнәвир улы Хөснуллин уртаклашты, Татарстан Республикасы Рәисе Рөстәм Нургали улы Миңнехановның кайгысын уртаклашу сүзләрен җиткерде. Аның сүзләренә Сарман һәм Мөслим районнары буенча хәрби комиссар Дашгын Гасанов, сугышчыларның якыннары да кушылды. Аның истәлегенә бер минут тынлык игълан ителде.