Муниципаль районнар Сарман муниципаль районы

«Һәр язның үз җыры»

2026 елның 24 апреле, җомга

Җәлил посёлок китапханәсендә «Һәр язның үз җыры» дип исемләнгән, шагыйрә Клара Булатованың 90 еллыгына багышланган әдәби-музыкаль кичә үтте. Кичәдә Клара апа белән ярты гасырдан артык гомер иткән Нәфис абый Рафигуллин, туганнары, иҗатташ дуслары, «Сарман таңнары», «Җәлил чаткылары» әдәби-иҗат берләшмәсе членнары, укучылар, укытучылар катнашты. Кичә Клара апа турында истәлекләрне яңарту, аның шигырьләрен уку, җырларын башкару белән үрелеп барды. Китапханәчеләр «Якташларыбыз иҗаты» дигән китап күргәзмәсе, «Сандугачлар кызы – Клара Гарифовна Булатова» дип исемләнгән презентация әзерләгән иде. Шагыйрәбезгә багышланган видеороликлар да күрсәтелде. Нәфис абый Рафигуллин укучыларга Клара Булатованың һәм оныгы Гайшәнең китапларын бүләк итте.

Сарман узәк китапханәсе

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«Алёнушка» балалар бакчасы тәрбияләнүчеләре “Тукайлы балачак” муниципаль бәйгесендә җиңү яуладылар.

Бүген 6 нчы санлы "Теремок" балалар бакчасында Җәлил бистәсенең мәктәпкәчә яшьтәге балалары катнашында "Тукайлы балачак" дип аталган муниципаль шигырь бәйгесе узды. Бәйге бөек шагыйребез Габдулла Тукайның тууына 140 ел тулу уңаеннан оештырылды. Әлеге чарада 48 бала көч сынашты. Нәтиҗәләр буенча безнең бакчабыз тәрбияләнүчеләре- Ахметшина Илина һәм Ильвина, Зямилова Сафия, Мөхәммәдиева Рилана, Асылова Элина- призер булдылар. Бәйгенең җиңчеләре булып мәктәпкә әзерлек төркемендә тәрбияләнүче Мирзоев Алан белән Төхвәтуллина Динара танылды. Балаларны зур җиңүчеләре белән котлыйбыз! Аларга алга таба да уңышлар телибез!

Сарман районында «Хәтер бакчасы»

Бөек Җиңү көне алдыннан «Хәтер бакчасы» халыкара акциясе узды. Анда Сарман районы да актив катнаша. Шуңа бәйле рәвештә бүген Сарман авылының яңа микрорайонында урнашкан һәм ТАССР оешуга 100 ел тулуга багышланган парк территориясендә чыршы утыртылды. Акциягә Сарман муниципаль районы Башлыгы Фәрит Мөнәвир улы Хөснуллин, район Башкарма комитеты җитәкчесенең социаль мәсьәләләр буенча урынбасары Индира Рәис кызы Сәхипова, СФРНЫҢ Татарстан Республикасы буенча бүлекчәсе идарәчесе урынбасары Наил Адам улы Сафиуллин, район кунаклары, район мәктәпләреннән килгән яшь армиячеләр һәм «беренчеләр хәрәкәте» активистлары, тыл ветераны Мәхмүт Газдал улы Газдалов, хәрби операцияне Александр Фирдәвис улы Гайнетдинов һәм башкалар башкара. Узган ел Бөек Җиңүнең 80 еллыгы уңаеннан 80 чыршы утыртылды. Бүген 40 чыршы утырттылар, бу акцияне истәлекле дата - Чернобыль атом электростанциясендә булган авариянең 40 еллыгына багышладылар.

Сарманда гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышы узды

Утырыш эшендә авыл җирлекләре башлыклары, оешма-учреждениеләр җитәкчеләре, шулай ук Сарман муниципаль районы Башкарма комитетының бүлек башлыклары катнашты. «Язгы-җәйге янгын куркынычы булган чорда торак пунктларның янгын куркынычсызлыгын тәэмин итү һәм район территориясендә табигый янгыннарга юл куймау чаралары турында» һәм «янгыннар белән бәйле вәзгыятьне тотрыкландыру һәм аларда кешеләрнең һәлак булуына юл куймау буенча өстәмә чаралар турында» көн тәртибендәге беренче һәм икенче мәсьәләләр буенча Сарман һәм Мөслим районнары буенча күзәтчелек эшчәнлеге һәм профилактика эше районара бүлеге башлыгы чыгыш ясады Госманов Радик Рафаэль улы.

ЯҢАЛЫКЛАРГА ЯЗЫЛУ